ხორვატიის ნაკრების ფეხბურთელმა ლუკა მოდრიჩმა შოტლანდიასთან ულამაზესი გოლი გაიტანა და თავის გუნდს უმნიშვნელოვანეს გამარჯვებაში დაეხმარა. ხორვატმა ნახევარმცველმა განაცხადა, რომ მისთვის მთავარი გამარჯვებაა.
„ჩვენ ბედნიერები ვართ, რადგან შესანიშნავი მატჩი გვქონდა და შემდეგ ეტაპზე გავედით. არ ვიყავით კმაყოფილები წინა ტურებში თამაშით და ვიცოდით, რომ უკეთ თამაში შეგვეძლო. როდესაც ასე ვთამაშობთ, ყველასთვის საშიშები ვართ.
ეს გოლი ჩემთვის ბევრს ნიშნავს, მაგრამ ჩვენი თამაში უფრო მეტს ნიშნავს. მოხარული ვარ, რომ გუნდს ჩემი გოლი დაეხმარა, თუმცა მთავარია, რომ მოვიგეთ“, - თქვა მოდრიჩმა.
შეგახსენებთ, ხორვატიის ნაკრები ევროპის ჩემპიონატის მერვედფინალში E ჯგუფის მეორეადგილოსანს დაუპირისპირდება.
