"ლოკომოტივის" ზედიზედ მეოთხე გამარჯვება ეროვნულ ლიგაში

გიორგი ჭიაბრიშვილის გუნდმა ანგარიში ირაკლი სიხარულიძის გოლით სწრაფადვე გახსნა, მაგრამ მალევე პენალტით სერგო კუხიანიძემ წონასწორობა აღადგინა. მიუხედავად ამისა, ტაიმი სტუმრებმა მოიგეს, რადგან 27-ე წუთზე თავი მამია გავაშელიშვილმა გამოიჩინა.

მატჩის ბოლოს „ლოკომ“ მესამეც გაიტანა. ამჯერად გოლი თემურ შონიას ანგარიშზეა, რომელმაც საბოლოო შედეგი დააფიქსირა.

„ლოკომოტივი“ 27 ქულით მესამე-მეოთხე ადგილზე „საბურთალოსთან“ ერთად იყოფს, ხოლო „სამგურალმა“ 3-მატჩიანი მოგებების სერია შეწყვიტა და 22 ქულით მეექვსე პოზიციაზეა.

„სამგურალი“ – „ლოკომოტივი“ 1:3 (1:2)

გოლები: 0:1 სიხარულიძე (7), 1:1 კუხიანიძე (19, პენ), 1:2 გავაშელიშვილი (27), 1:3 შონია (86)

გიორგი მელქაძე

თეგებითბილისის ლოკომოტივი სამგურალი ეროვნული ლიგა