ვეტერანი სლოვაკი ფეხბურთელი მარეკ ჰამშიკი კარიერას „ტრაბზონსპორში“ გააგრძელებს. თურქული გუნდის ვებგვერდის ცნობით, გამოცდილ ნახევარმცველთან კონტრაქტი 2023 წლის ზაფხულამდე გაფორმდა.

ჰამშიკი ბოლო 6 თვის განმავლობაში შვედურ „გიოტებორგში“ თამაშობდა, რომელიც დატოვა და თურქულ გუნდს შეუერთდა.

ჰამშიკს მანამდე „სლოვანში“, „ბრეშაში“ და ჩინურ „დალიანში“ უთამაშია, კარიერის საუკეთესო პერიოდი კი „ნაპოლიში“ 2007-2019 წლებში გაატარა და 520 მატჩში 121 გოლი გაიტანა.