იტალიური „რომას“ მთავარი მწვრთნელი ჟოზე მოურინიო კლუბის ხელმძღვანელებს ჯანლუიჯი დონარუმას დამატებას სთხოვს. დედაქალაქურ გუნდს მეკარის პოზიციის გაძლიერება სურს და ამისთვის ჯიჯიო იდეალური ვარიანტია.

მოურინიო უკვე ესაუბრა „ჯალოროსის“ ხელმძღვანელობას და უთხრა, რომ ფეხბურთელის აგენტ - მინო რაიოლას დაუკავშირდნენ.

ბოლო დროს დონარუმას თაობაზე იტალიური მედია ძალიან ბევრს საუბრობს. ჭორები გავრცელდა იმის შესახებ, რომ თითქოს ჯიჯიოს ტურინის „იუვენტუსში“ უნდა გადასვლა და „ბებერი ქალბატონიც“ მზადაა იტალიელ კიპერს ხელფასის სახით სეზონში 12 მილიონი ევრო შესთავაზოს.

შეგახსენებთ, რომ დონარუმა „მილანის“ აღძრდილია, სადაც 5 წელი თამაშობდა, ის „როსონერის“ თავისუფალი აგენტის სტატუსით თვის ბოლოს დატოვებს. რაც შეეხება რომას, მოურინიოს განკარგულებაში ამ ეტაპზე ორი მეკარე: პაუ ლოპესი და დანიელ ფუსატუ არიან.