მადრიდის „რეალი“ ზინედინ ზიდანის შემცვლელის ძიებაშია და ანტონიო კონტე ყველაზე რეალური კანდიდატია. As-ის ინფორმაციით, მადრიდული გრანდის ხელმძღვანელობას იტალიელ სპეციალისტთან აქტიური კონტაქტი აქვს.
წყაროს თანახმაც კონტეს რამდენიმე ფეხბურთელთანაც ჰქონდა კონტაქტი და მისი „სამეფო კლუბში“ დანიშვნა ძალზე რეალურია, მაგრამ არა გადაწყვეტილი.
კონტეს გარდა, ფლორენტინო პერესის სიაში რაული, ჩაბი ალონსო და იოახიმ ლიოვიც არიან. მეორეს მხრივ, 51 წლის იტალიელსაც აქვს სხვა წინადადებები - მას „ტოტენჰემსა“ და პსჟ-საც უკავშირებენ.
შეგახსენებთ, ანტონიო კონტემ „ინტერი“ ორი დღის წინ დატოვა, ხოლო მადრიდის „რეალიდან“ ზინედინ ზიდანი საკუთარი სურვილით წავიდა.
