ქართველი ჩოგბურთელი ეკო გორგოძე წარმატებულ ასპარეზობას აგრძელებს და ის როლან გაროსის ძირითად ბადეში ითამაშებს.

29 წლის სპორტსმენმა ნურია პარიზას დიაზი ორ სეტში 6:3, 6:4 დაამარცხა და ზედიზედ სამი გამარჯვებით, საფრანგეთის ღია პირველობის ძირითად ბადეში კარიერაში პირველად მოხვდა.

აღნიშნული შეხვედრა საათნახევარი გაგრძელდა, გორგოძემ 9-დან 7 ბრეიკ-პოინტი გამოიყენა, თავად კი მოწოდება 4-ჯერ დათმო. 1 ეისი შეასრულა, ხოლო ორმაგი შეცდომა არ დაუშვია. ვინ იქნება ქართველი ჩოგბურთელის მეტოქე, მოგვიანებით გაირკვევა.