უეფამ თავის ინსტაგრამზე გამოაქვეყნა ვიდეო, რომელშიც წარადგინა კონფერენს ლიგის თასი. მისი სიმაღლე 57.5 სმ-ია და წონა 11 კგ. იგი შედგება 32 ექვსკუთხა ფირფიტისგან, რომლებიც ძირიდან ზემოთ ხვეულად მიემართებიან.

მოგეხსენებათ, უეფას კონფერენს ლიგა ისტორიაში პირველად მომდევნო სეზონში გაიმართება. ტურნირში მონაწილეობას უეფას 55 ეროვნული ასოციაციის 148 გუნდი მიიღებს. ამავე დროს სიაში შევა 46 გუნდი, რომლებიც ჩემპიონთა ლიგიდან და ევროპა ლიგიდან გადაერთვებიან.

ჯგუფური ეტაპის დაწყებამდე სამი საკვალიფიკაციო ეტაპი და პლეი-ოფი იქნება. ჯგუფურ ეტაპზე 32 კლუბი გავა - 17 კონფერენს ლიგის გზით, ხუთი გუნდი ჩემპიონთა ლიგის გზით და 10 კლუბი ევროპა ლიგის პლეი-ოფიდან გავარდნის შემდეგ.