რობერტო მანჩინი იტალიის ნაკრებში მუშაობას გააგრძელებს, როგორც ადგილობრივი ფეხბურთის ფედერაციის ვებგვერდი იტყობინება, გამოცდილ სპეციალისტთან კონტრაქტი 2026 წლამდე გახანგრძლივდა.

მანჩინიმ იტალიის ნაკრებში მუშაობა 2018 წლის ზაფხულიდან დაიწყო და კრიზისში მყოფი „სკუადრა აძურა“ შესანიშნავად აათამაშა. აპენინელები ევროპის ჩემპიონატზე A ჯგუფში თურქეთის, უელსისა და შვეიცარიის ნაკრებებთან ერთად ითამაშებენ.

რობერტო მანჩინის კარიერის განმავლობაში „ფიორენტინაში“, „ლაციოში“, „ინტერში“, „მანჩესტერ სიტისა“ და „გალათასარაიში“ უმუშავია.