უეფამ ევროპის ჩემპიონატის მონაწილე ნაკრებებს კორონავირუსის გამო განაცხადის გაზრდის შესაძლებლობა მისცა.

როგორც ოფიციალურ განცხადებაშია ნათქვამი, თითოეულ ნაკრებს შეეძლება ევროპის ჩემპიონატზე 23 ფეხბურთელის ნაცვლად, 26 წაიყვანოს, აქედან 3 მეკარე იქნება. თუმცა, არსებობს ერთი შეზღუდვა: კონკრეტული მატჩის დროს განაცხადში 23 მოთამაშე მოხვდება და შესაბამისად, დარჩენილ ფეხბურთელს ტრიბუნაზე ყოფნა მოუწევს.

უეფამ განაცხადის 26-მდე გაზრდის გადაწყვეტილება კორონავირუსის პანდემიის გამო მიიღო. შეგახსენებთ, ევროპის ჩემპიონატი 11 ივნისს დაიწყება და გახსნით მატჩში იტალიის ნაკრები რომში, თურქეთის ნაკრებს უმასპინძლებს.