ინდოეთის ქალაქ პუნეში დაწყებულ ახალგაზრდულ მსოფლიო ჩემპიონატზე წარმატებული სტარტი აიღეს ქართველმა მოჭადრაკეებმა – მერი არაბიძემ (2409) და ირაკლი ბერაძემ (2318).

გოგონათა ტურნირის პირველ ტურში არაბიძემ, რომელსაც მე-2 განთესვა გააჩნია, შავი ფიგურებით რუს კარინა აზიმოვას (2063) სძლია. ვაჟებში ბერაძემ თეთრებით ინდოელი მალგა სუდარშანი (2007) დაამარცხა.

მე-2 ტურში, რომელიც 7 ოქტომბერს ჩატარდება, არაბიძე თეთრი ფიგურებით ფილიპინების წარმომადგენელ ჯანელ მაე ფრაინას (2140) ეთამაშება, ხოლო ბერაძე შავებით – ირანელ პოუია იდანის (2517).

ცნობისთვის, მსოფლიო ჩემპიონატი 13 ტურად მიმდინარეობს და 19 ოქტომბერს დასრულდება, შესვენებისთვის კი 13 ოქტომბერია გამოყოფილი.