"რომას" ესპანელი მეკარე პაუ ლოპესი გულშემატკივრებმა გამოკითხვის შედეგად ევროპა ლიგის კვირის საუკეთესო ფეხბურთელად დაასახელეს. აღნიშნული ინფორმაცია უეფას ოფიციალურმა ვებგვერდმა გაავრცელა.

ევროპა ლიგის მეოთხედფინალური ეტაპის პირველ შეხვედრაში "რომამ" სტუმრად ამსტერდამის "აიაქსი" 2:1 დაამარცხა. აღნიშნულ შეხვედრაში პაუმ ერთი თერთმეტმეტრიანი მოიგერია და ასევე, ჯამში რვა სეივი შეასრულა. მიმდინარე სეზონში ესპანელმა 30 მატჩი ჩაატარა და 32 გოლი გაუშვა.