ავსტრალიის ღია პირველობის ფინალში ნოვაკ ჯოკოვიჩი გავიდა ავსტრალიის ღია პირველობის ფინალში ნოვაკ ჯოკოვიჩი გავიდა. სერბი ჩოგბურთელი ნახევარფინალში ასლან კარაცევს დაუპირისპირდა და მეტოქე სამ სეტში 6:3, 6:4, 6:2 დაამარცხა.

თამაში საათი და 55 წუთი გაგრძელდა და ჯოკოვიჩმა რუსს სპორტსმენს არანაირი შანსი დაუტოვა, რადგან სეტიდან სეტამდე შედეგს აუმჯობესებდა. ნოვაკმა 17 ეისი ჩააწოდა, შვიდიდან ექვსი ბრეიკ-პოინტი გამოიყენა და მხოლოდ 14 უნებლიე შეცდომა დაუშვა. ამრიგად, სერბმა ჩოგბურთელმა 2021 წელი შესანიშნავად დაიწყო, მან ჩატარებული 8 შეხვედრიდან ყველა მოგებით დაასრულა და ეცდება დიდი სლემის მე-18 ტიტული მოიპოვოს.

მეორე ფინალისტის ვინაობა კი 19 თებერვალს გაირკვევა, სადაც ერთმანეთს რუსი დანილ მედვედევი და ბერძენი სტეფანოს ციციპასი დაუპირისპირდებიან.

ნოვაკ ჯოკოვიჩი - ასლან კარაცევი 3:0 (6:3, 6:4, 6:2)