მადრიდის „ატლეტიკოს“ თავდამსხმელმა ლუის სუარესმა „ბარსელონას“ შესახებ ისაუბრა და განაცხადა, რომ გაკვირკვებული და გულნატკენი დარჩა, როდესაც კლუბიდან გაშვების შესახებ აცნობეს. ურუგვაელი ფეხბურთელის თქმით, ამას არ იმსახურებდა.

„როდესაც „ბარსელონაში“ მითხრეს, რომ მათ არ ვჭირდებოდაი, ძალიან ძნელი იყო, არ ველოდი. კუმანმა დამირეკა და მითხრა, რომ მის გეგმებში არ შევდიოდი. ძალიან ძნელი იყო თუ როგორ მომიძულეს, რადგან მინდოდა ჩემს შვილებს ენახათ, შესანიშნავ სტილში როგორ ვტოვებდი კლუბს.

როცა „ბარსელონამ“ ამის შესახებ ოფიციალურად გამომიცხადა, „ატლეტიკოსთან“ მოლაპარაკება დავიწყე. იყო ბევრი კლუბის ინტერესი, არა მარტო „იუვენტუსის“. მინდოდა სწორი გადაწყვეტილება მიმეთო, საუკეთესო ჩემთვის და ჩემი ოჯახისთვის.

იტალიური ენის გამოცდა? გადავწყვიტე გამეგრძლებინა იტალიური პასპორტის საკითხი, რადგან მასზე ერთ წელს მეტ ხანს ვმუშაობდი.

მესი? მხოლოდ 4-5 ადამიანია, ვინც მისი კონტრაქტის დეტალები იცოდა, მაგრამ ეს ვინ გააკეთა არ ვიცი და რატომ მიაყენეს ასეთი დარტყა ადამიანს, რომელზე მეტიც „ბარსელონასთვის“ არავის გაუკეთებია. ის მსოფლიოში საუკეთესო ფეხბურთელია. მესი კარიერის იქ დაასრულებს, სადაც ისურვებს - „ბარსელონაში“, არგენტინაში თუ სხვაგან“, - განაცხადა სუარესმა.

შეგახსენებთ, ლუის სუარესს მიმდინარე სეზონში „ატლეტიკოს“ მაისურით 20 მატჩში 14 გოლი აქვს გატანილი, ხოლო „ბარსელონაში“ 2014-2020 წლებში 283 შეხვედრაში მეტოქეები 198-ჯერ დაამწუხრა.