ლონდონის “არსენალს” იტალიური “პალერმოს” 20 წლის არგენტინელი ფორვარდის პაულო დიბალას ყიდვა სურს. ფეხბურთელის სანაცვლოდ “მეთოფეები” მზად არიან 30 მილიონი ევრო გადაიხადონ. არსენ ვენგერის სურვილია დიბალა შეტევის ხაზში მეორე სამხრეთამერიკელს, ალექსის სანჩესს შეუწყვილოს.
პაულო დიბალა “პალერმოში” 2012 წლის ზაფხულიდან მოყოლებული ასპარეზობს. მიმდინარე სეზონში მას 11 ჩატარებულ შეხვედრაში 4 გოლი აქვს გატანილი.
