ამერიკის სტუდენტურ ლიგაში სანდრო მამუკელაშვილის „სეტონ ჰოლმა“ „კრეიტონთან“ კოშარული წაგება (53:89) მალევე დაივიწყა და დღეს „დეპოლი“ დაამარცხა. შეხვედრა დაძაბული გამოდგა და „სეტონ ჰოლმა“ 76:68 იმარჯვა.

მამუკელაშვილი ტრადიციულად გამორჩეული იყო თავისი გუნდის რიგებში და 35 წუთში 15 ქულა, 8 მოხსნა 2 პასი და 1 ჩაჭრა მიითვალა. სანდრომ 9-დან 5 ორქულიანი, 4-დან 1 სამქულიანი და 2-დან 2 საჯარიმო ჩააგდო. ის მოხსნებში თავის გუნდში საუკეთესო იყო, ხოლო ქულებში მხოლოდ ჯარედ როდენმა აჯობა (18).

„სეტონ ჰოლი“ Big East-ის კონფერენციაში 6 მოგებითა და 2 წაგებით მესამე ადგილზეა, მომდევნო ტურში 17 იანვარს, „ქსავიერს“ დაუპირისპირდება.