„მანჩესტერ იუნაიტედს“ მიმდინარე სეზონში ორი სახე აქვს, ჩემპიონთა ლიგაზე კარგი და პრემიერლიგაში საშინელი. ოლე გუნარ სულშერის გუნდმა ინგლისის ჩემპიონატში ყველაზე ცუდი სტარტი აიღო ბოლო 7 წელიწადში.

6 მატჩში 7 ქულა - მსგავსი ცუდი შედეგი „წითელ ეშმაკებს“ ბოლოდ 2013-2014 წლების სეზონში ჰქონდათ. აღსანიშნავია, რომ ამ 6 შეხვედრიდან „მანჩესტერმა“ ოთხი „ოლდ ტრაფორდზე“ ჩაატარა და ერთადერთი ქულა მოიპოვა. ასეთ ცუდი შედეგი კი შინ 1972-1973 წლების სეზონის შემდეგ პირველად აქვს.

„მანჩესტერი“ პრემიერლიგაში მე-15 ადგილზე იმყოფება. ჩემპიონთა ლიგაზე კი ინგლისურ გრანდს ყველაფერი კარგად აქვს, პსჟ-ს სტუმრად მოუგო (2:1) და შინ „ლაიფციგი“ 5:0 გაანადგურა.