“ბილბაოს” მთავარი მწვრთნელი, ერნესტო ვალვერდე “რეალთან” განადგურების (0:5) შემდეგ As-ის ჟურნალისტს გაესაუბრა და აღნიშნა, რომ მის გუნდს რთული პერიოდი უდგას.

“გუნდებს შორის სხვაობა აშკარა იყო. “რეალი” საგრძნობლად აღემატებოდა “ბილბაოს”, რაც ანგარიშშიც აისახა.

რთული პერიოდი გვიდგას, მაგრამ ჩვენ აუცილებლად დავბრუნდებით. ბევრს ვშრომობთ და გვჯერა, რომ შედეგი აუცილებლად გვექნება”. – განაცხადა ერნესტო ვალვერდემ.

“ბილბაოს” საშინელი სტარტი აქვს ლა ლიგაში, 7 თამაშში 4 ქულა და კლუბი გასავარდნ ზონაში იმყოფება.