ინგლისურმა „მანჩესტერმა“ ალექს ტელესის ტრანსფერი გააოფიციალურა. როგორც „წითელი ეშმაკების“ ვებგვერდი იტყობინება, ბრაზილიელმა ფეხბურთელმა კონტრაქტი 2025 წლამდე გააფორმა.

ხელშეკრულებაში არსებული პუნქტის მიხედვით, მხარეებს კონტრაქტის განახლება ერთი წლით ავტომატურად შეეძლებათ.

„დიდი პატივია „მანჩესტერის“ მსგავს გუნდში ყოფნა. ამის მიღწევას კარიერაში ბევრი სჭორმა სჭირდება და გპირდებით, რომ ყველაფერს გავაკეთებ გუნდის წარმატებისთვის“, - აღნიშნა ტელესმა.

შეგახსენებთ, რომ ალექს ტელესი პორტუში 2016 წელს გადავიდა და „დრაკონების“ ღირსება 195-ჯერ დაიცვა (26 გოლი). იქამდე, 27 წლის ბრაზილიელი ევროპაში სტამბოლის „გალათსარაისა“ და მილანის „ინტერის“ შემადგენლობაში თამაშობდა.