საქართველოს ნაკრებისა და "ქონიასფორის" ფეხბურთელი ლევან შენგელია თურქეთის სუპერლიგის მესამე ტურის სიმბოლურ ნაკრებში მოხვდა. ქართველი ნახევარმცველი სტამბოლის „ბეშიქთაშთან“ დუბლის შემდეგ გამოარჩიეს.
შენგელია სიმბოლურ ნაკრებში BeIN Sports-მა შეიყვანა, რაც მოსალოდნელი იყო, რადგან „არწივებთან“ 24 წლის ფეხბურთელმა დიდებულად ითამაშა და თურქული ფეხბურთის გრანდი ორჯერ დაამწუხრა.
სხვათა შორის, შენგელიასთვის ეს თურქეთში პირველი დუბლი იყო. ლევანს მიმდინარე სეზონში ორ მატჩში 2 გოლი აქვს გატანილი.
