თავისუფალი სტილით მოჭიდავეები - გიორგი ედიშერაშვილი (55 კგ) და შალვა მუზიაშვილი (66 კგ) თბილისის “ოქროს გრან-პრის” ჩემპიონები გახდნენ. ამავე სტილში, ელიზბარ ოდიკაძეს (96 კგ) კვარცხლბეკის უმაღლეს საფეხურზე ასასვლელად გადამწყვეტი გამარჯვება დააკლდა. ბერძნულ-რომაული სტილით მოჭიდავეთა ნაკრების ლიდერი, მანუჩარ კვირკველიაც (74 კგ) ვერცხლის მედალს დასჯერდა.
მესამე საპრიზო ადგილი ხუთმა ქართველმა დაიკავა: თავისუფალ ჭიდაობაში ტრისტან ჩირგაძემ, გივი დავიდოვმა (ორივე 55 კგ), ლევან სეთურიძემ და დავით ქერაშვილმა (96 კგ), ხოლო ბერძნულ-რომაულში – მანუჩარ ცხადაიამ (74 კგ).

ოთარ მაღლაკელიძე