ესპანეთის ნაკრების ყოფილი ფეხბურთელი პედრო როდრიგესი კარიერას „რომაში“ გააგრძელებს. ინფორმაციას მხოლოდ ოფიციალური დასტური აკლია.

ესპანელი უკვე რომში ჩავიდა, სადაც სამედიცინო შემოწმების შემდეგ 3-წლიან კონტრაქტს გააფორმებს და „ჯალოროსის“ თავისუფალი აგენტის სტატუსით შეუერთდება.

პედრო „ჩელსიში“ 2015 წლიდან თამაშობდა და ინგლისურ გუნდში ჩატარებულ 206 მატჩში 43 გოლი გაიტანა. მანამდე კი მშობლიური „ბარსელონას“ მაისურით 321 თამაშში თავი 99-ჯერ გამოიჩინა.