ანდრეა პირლო „იუვენტუსის“ მთავარი მწვრთნელის პოსტზე დაინიშნა და მისი უახლოესი მეგობარი ჯანლუიჯი ბუფონი სოციალურ ქსელში ამ ფაქტს გამოეხმაურა. ჯიჯი ანდრეას გაეხუმრა კიდეც.

„ე.ი, ახლა მისტერი უნდა დაგიძახო? წარმატებები ამ ახალ გამოწვევაში, ანდრეა“, - დაწერა ბუფონმა.

ჯიჯი პირლოს თანაგუნდელი იტალიის ეროვნულ ნაკრებში 2002-2015 წლებში იყო და ერთად მსოფლიო ჩემპიონები გახდნენ, შემდეგ კი 2011-2015 წლებში უკვე „იუვენტუსში“ თამაშობდნენ ერთად.

ახლა პირლო ბუფონის მწვრთნელი იქნება, იმ ბუფონის, რომელიც მასზე ერთი წლით უფროსია.