ვეტერანმა არგენტინელმა ფეხბურთელმა გონსალო როდრიგესმა საფეხბურთო კარიერა დაასრულა. 36 წლის მცველის განცხადებით, ყველაფერი გააკეთა, მაგრამ ახლა წერტილის დასმის დროა.

როდრიგესმა კარიერა „სან ლორენსოში“ დაიწყო და იქვე დაასრულა, სადაც 2002-2004 და 2017-2020 წლებში ირჯებოდა.

უმეტესი და საუკეთესო წლები კი ორ გუნდში გაატარა. „ვილიარეალში“ 2004-2012 წლებში 250 მატჩში 8 გოლი გაიტანა, ხოლო „ფიორენტინაში“ 2012-2017 წლებში 203 თამაშში 25 გოლი გაიტანა. რაც შეეხება არგენტინის ნაკრებს, „ალბისელესტეში“ გონსალომ მხოლოდ 7-ჯერ ითამაშა და თავი ერთხელ გამოიჩინა.