საერთაშორისო ოლიმპიური კომიტეტის პრეზიდენტი თომას ბახი არ გამორიცხავს, რომ ტოკიოს ოლიმპიადა საერთოდ გაუქმდეს.

IOC-ის ხელმძღვანელის განცხადებით, ყველაზე მასშტაბური სპორტული თამაშები ან 2021 წელს ჩატარდება, ან გაუქმდება და მისი კიდევ ერთხელ გადადება გამორიცხულია.

„მზად უნდა ვიყოთ სხვადასხვა სცენარისთვის. მესმის, რომ იაპონიასაც არ შეუძლია ოლიმპიადის კიდევ ერთხელ გადადება და ეს ბოლო შანსია. არ შეგვიძლია ყველა ფედერაციის მსოფლიო კალენდარი ყოველწლიურად შევცვალოთ და სპორტსმენები გაურკვევლობაში ვამყოფოთ. არსებობს აშკარა ნება, რომ თამაშები მომდევნო წლის ივლიში ჩატარდეს, მაგრამ ჩვენ ყველა სცენარი უნდა გავითვალისწინოთ, მათ შორის მომთამაშეების კარანტინიც“, - თქვა ბახმა BBC-ისთან.

შეგახსენებთ, რომ ტოკიოს ოლიმპიური თამაშები 2021 წლის 23 ივლისისთვის გადაიდო.