„იუვენტუსის“ ფეხბურთელ მატიას დე ლიხტს კლუბის დატოვება სურს და ამის შესახებ უკვე აცნობა მინო რაიოლას. ესპანური გამოცემა ABC-ის ინფორმაციით, ნიდერლანდელს ტურინიდან აბარგება ზაფხულში სურს.

მიუხედავად იმისა, რომ დე ლიხტმა სეზონის მეორე ნაწილში მნიშვნელოვნად გააუმჯობესა თამაშის ხარისხი, ფიქრობს, რომ სერია A-ზე მეტად მისი სათამაშო მახასიათებლები ეპსანეთის ლა ლიგას შეესაბამება.

წყარო გვამცნობს, რომ მინო რაიოლა უკვე დაუკავშირდა მადრიდის „რეალის“ ხელმძღვანელობას და ტრანსფერის შესახებ მოლაპარაკებების დაწყებას აპირებს.

შეგახსენებთ, „იუვენტუსმა“ დე ლიხტი „აიაქსიდან“ 75 მილიონ ევროდ შეიძინა და ახალგაზრდა ფეხბურთელმა „ბებერი ქალბატონის“ რიგებში ჩატარებულ 27 მატჩში 2 გოლი გაიტანა.