მიუნხენის „ბაიერნის“ ფეხბურთელები ხელფასების 20%-ით შემცირებას დასთანხმდნენ და ამის შესახებ კომენტარი მანუელ ნოიერმა გააკეთა. 33 წლის მეკარის განცხადებით, ეს ბუნებრივია, რადგან პრივილეგირებულ სპორტს წარმოადგენენ.

„ჩვენ განსაკუთრებულად პრივილეგირებული პროფესიის ადამიანები ვართ და ამიტომ, ცხადია ხელფასების შემცირებას უნდა დავთანხმდეთ აუცილებლობის შემთხვევაში. „ბაიერნში“ ათასზე მეტი თანამშრომელია, კლუბის გარშემო ჩვენს გარდა უამრავი სხვა ადამიანია, რომლებიც მნიშვნელოვან დავალებებს ასრულებენ. გვინდა, რომ მათ გუნდურად დავეხმაროთ“, - თქვა ნოიერმა.

შეგახსენებთ, რომ მანამდე „ბაიერნის“ ფეხბურთელმა რობერტ ლევანდოვსკიმ და მისმა მეუღლემ, ანამ 1 მილიონი ევრო გადარიცხეს კორონავირუსის წინააღმდეგ ბრძოლაში, ხოლო მანამდე ქველმოქმედება ჯოშუა კიმიხმა და ლეონ გორეცკამაც გაიღეს.