კატალონიის „ბარსელონას“ ტვიტერის გვერდზე „პარი სენ ჟერმენის“ თავდამსხმელის ნეიმარის ფოტო გამოქვეყნდა, რომელიც კითხვის ნიშნებით დაასათაურდა.
ოდნავ მოგვიანებით გამოქვეყნდა სხვადასხვა სახის წერილები, მათ შორის ჰეშ-თეგი BartomeOut.
თუმცა, როგორც აღმოჩნდა, „ბარსას“ ტვიტერის გვერდი ჰაკერებმა გატეხეს და ბოროტად იხუმრეს. კლუბმა დაახლოებით ერთ საათში პოსტები წაშალა, საზოგადოებას მიზეზი განუმარტა და ბოდიში მოუხადა.
