ევროპა ლიგის ჯგუფური ეტაპის მე-5 ტურის მატჩში, შინ „აინტრახტთან“ მარცხის შემდეგ (1:2), აღმოჩნდა, რომ „არსენალმა“ ბოლო 27 წლის განმავლობაში უცუდესი შედეგი აჩვენა და მთავარი მწვრთნელის, უნაი ემერის სკამიც საფუძვლიანად შეირყა.

ამჟამად გუნდის მოუგებელმა სერიამ ყველა ტურნირში 7 მატჩს უწია (5 ფრე, 2 წაგება). ბოლოს ასეთი რამ 1992 წელს მომხდარა, როცა „მეთოფეებმა“ ჯორჯ გრემის ხელმძღვანელობით მიჯრით რვა შეხვედრაში ვერ გაიმარჯვეს - გვამცნობს BBC.