პორტუგალიის ნაკრებმა ევროპის ჩემპიონატის საგზური მოიპოვა. ევროპის მოქმედმა ჩემპიონმა შესარჩევი ციკლის ბოლო ტურში ლუქსემბურგთან სტუმრად ბრუნო ფერნანდეშისა და კრიშტიანუ რონალდუს გოლებით დამაჯერებლად მოიგო. სხვათა შორის, რონალდუმ სანაკრებო კარიერაში 99-ე გოლი გაიტანა.

პარალელურად, სერბეთის ნაკრები შინ ორჯერ უგებდა უმოტივაციო უკრაინას, მაგრამ ორჯერვე გაუშვა და საბოლოოდ, ფრეს დასჯერდა - 2:2.

B ჯგუფში უკრაინა 20 ქულით პირველ ადგილზე გავიდა, პოტუგალიამ 17 ქულით მეორე ადგილი დაიკავა, სერბეთმა 14 ქულა დააგროვა და მესამე პოზიცია ერგო, ხოლო ლუქსემბურგმა და ლიეტუვამ მეოთხე-მეხუთე ადგილები შესაბამისად 4 და 1 ქულით დაიკავეს.

აქვე გეტყვით, რომ პორტუგალია მე-17 ნაკრებია, რომელმაც ევროპის ჩემპიონატის საგზური ოფიციალურად მოიპოვა.

სერბეთი - უკრაინა 2:2 (1:1)

გოლები: 1:0 ტადიჩი (9, პენ), 1:1 იარემჩუკი (32), 2:1 მიტროვიჩი (56), 2:2 ბისედინი (90)

ლუქსემბურგი - პორტუგალია 0:2 (0:1)

გოლები: 0:1 ბრუნო ფერნადეში (39), 0:2 რონალდუ (86)