საქართველოს 19 წლამდე ასაკის ფეხბურთელთა ნაკრებმა, რომელსაც გიორგი დევდარიანი წვრთნის, ევროპის 2015 წლის ჩემპიონატის პირველი საკვალიფიკაციო ეტაპისთვის მზადება დაიწყო.

ფეხბურთის ფედერაციის ოფიციალური ვებგვერდის ინფორმაციით, დევდარიანმა შეკრებაზე შემდეგ მოთამაშეებს უხმო:

მეკარეები: ოთო გოშაძე („ქასიმფაშა“, თურქეთი), ბექა ქურდაძე („საბურთალო“).

მცველები: ჯემალ ტაბიძე, გაგი მარგველაშვილი, გრიგოლ ჩაბრაძე, გიორგი თევზაძე (ყველა „საბურთალო“), ზურაბ გელაშვილი („ტორპედო“), დავით მოსიძე („ზესტაფონი“), ზურაბ მალანია („შუქურა“), ზურაბ ჯაფიაშვილი („დინამო“).

ნახევარმცველები: გიორგი კილასონია, ოთარ კიტეიშვილი (ორივე „მეტალურგი“), ლადო მოხევიშვილი („ლევანტე“, ესპანეთი), გიორგი ხარაიშვილი („საბურთალო“), გიორგი ბერიძე („დილა“), დემურ ჩიხლაძე („დინამო“).

თავდამსხმელები: ლუკა ზარანდია („გენკი“, ბელგია), აკაკი შულაია („მერანი“), მათე კვირკვია („ვიტ ჯორჯია“), ილია კერძევაძე („სამტრედია“), რომან ჭანტურია („ემპოლი“, იტალია), ცოტნე მესხი („შუქურა“).

19-წლამდელები კვირას შეიკრიბნენ და სასტუმრო “ბომონდ გარდენში” დაბინავდნენ. გუნდს ორშაბათს შეუერთდა ლადო მოხევიშვილი. ილია კერძევაძე თანაგუნდელებთან ერთად 1 ოქტომბერს იქნება, ხოლო იტალიის “ემპოლის” ფორვარდი რომან ჭანტურია თბილისში 6 ოქტომბერს ჩამოვა.

პირველ დღეს დევდარიანმა ნაკრები მიხეილ მესხის სახელობის სტადიონის სათადარიგო სტადიონზე ავარჯიშა. ოთხშაბათიდან, 19-წლამდელები წვრთნას ტექნიკურ ცენტრ “ბასაზე” შეუდგებიან.

მე-11 ჯგუფში ქართველების მეტოქეები რუმინეთის, კვიპროსისა და ჩერნოგორიის 19-წლამდელები არიან. მატჩები 8, 10 და 13 ოქტომბერს როგორც მიხეილ მესხის სახელობის სტადიონზე, აგრეთვე, ამავე არენის სათადარიგო მოედანზე ჩატარდება. ჯგუფში პირველ-მეორე ადგილზე გასული გუნდები ელიტ რაუნდში ითამაშებენ.