მართლაც უცნაური და მოულოდნელი ამბავი მოხდა ბოლო სათამაშო დღეს 19-წლამდელთა ევროპის ჩემპიონატის მე-11 შესარჩევ ჯგუფში. საქართველოს ნაკრებმა “მიხეილ მესხზე” თავისი მესამე მატჩიც მოიგო, ამჯერად მრისხანე ჰოლანდია 2:1 დაამარცხა და მაქსიმალური 9 ქულით პირველი ადგილი დაიკავა. წესით ნიდერლანდელები მეორე ადგილზე უნდა დარჩენილყვნენ, მაგრამ… პარალელურ შეხვედრაში, “დინამო არენაზე,” უელსმა 6:0 მოუგო მოლდოვას, ჰოლანდიას ქულებით გაუტოლდა და რახან ერთმანეთში უგოლო ფრე ჰქონდათ ნათამაშევი, უეფას დებულების 6.09-ის ც პუნქტი ამუშავდა, რომლის მიხედვითაც უპირატესობა უფრო მეტი გოლის გამტან უელსს მიენიჭა.

მე-11 ჯგუფის საბოლოო ცხრილი:

1. საქართველო                   3          3          0          0          9:2       9
2. უელსი                            3          1          1          1          7:5       4
3. ჰოლანდია                       3          1          1          1          4:2       4
4. მოლდოვა                        3          0          0          3          0:11     0

ცხრილი მოყვანილია უეფას ოფიციალური ვებ-გვერდის მიხედვით

ხატია ჯიჯეიშვილის ფოტო