პორტუში 19-წლამდელთა პრესტიჟული ოთხთა ტურნირი დაიწყო, რომელშიც პორტუგალიის, რუსეთის, ჩეხეთისა და საქართველოს 19-წლამდელთა ნაკრებები მონაწილეობენ. პირველ ტურში ვასილ მაისურაძის ნაკრები მასპინძელ პორტუგალიას შეხვდა და 1:4 წააგო. პირველი ტაიმის 7-წუთიან მონაკვეთში სამი გოლი გავიდა ქართველთა კარში, რასაც მეორე ტაიმში მეოთხეც მოჰყვა, ერთადერთი, პრესტიჟის გოლი კი თბილისის "ლოკომოტივის" შემტევმა ლუკა კიკაბიძემ გაიტანა.

საქართველოს ნაკრების სასტარტო შემადგენლობა: გოშაძე, კაკაბაძე, გურეშიძე, ტაბიძე, სამხარაძე, აბურჯანია, შენგელია, გოროზია, კიკაბიძე, ზარანდია, ჯიქია.

გოლები: 1:0 მარტინსი (33), 2:0 ფრანცისკო რამოსი (35), 3:0 ივო როდრიგესი (40), 4:0 ანდრე სილვა (70), 4:1 კიკაბიძე (71). 

დღესვე, ჩეხეთი-რუსეთი 1:1 დასრულდა.   

მომდევნო მატჩების განრიგი

18 აპრილი

პორტუგალია-ჩეხეთი, საქართველო-რუსეთი (19:00 თბილისის დროით)

20 აპრილი

ჩეხეთი-საქართველო (13:00 თბილისის დროით). პორტუგალია-რუსეთი