ბელგიის ეროვნული გუნდის მთავარმა მწვრთნელმა, რობერტო მარტინესმა, ევრო 2020-ის შესარჩევ მატჩში სან მარინოს ნაკრებთან 9:0 გამარჯვების შემდეგ, ჟურნალისტებს თავისი აზრი გაუზიარა.

„ცხადია, ძალიან კმაყოფილი ვარ. ბიჭებმა გუნდურად ითამაშეს. ეგოისტურად არავინ მოქცეულა. ბევრი მომენტი შევქმენით და ლამაზი გოლები გავიტანეთ. შემდეგი ნაბიჯი ჯგუფში პირველ ადგილზე გასვლაა.

ახლა უკეთესი გუნდი გვყავს, ვიდრე შარშანდელ მსოფლიო ჩემპიონატზე. მეტი გამოცდილება დაგვიგროვდა. საქმე არა მხოლოდ ნიჭიერებაშია. არამედ, ერთმანეთის გულისთვის თავის გაწირვაში. როცა გუნდები თანაბარი ძალის არიან, ამ თვისებას დიდი მნიშვნელობა აქვს.“ - ციტირებს მარტინესის სიტყვებს უეფას პრესსამსახური.

ბელგიელებმა I შესარჩევ ჯგუფში 7 ტურის შემდეგ მაქსიმალური 21 ქულა მოაგროვეს და პირველი ნაკრები გახდნენ, ვინც ვადამდე მოიპოვა ფინალური ეტაპის საგზური.