ევრო 2020-ის შესარჩევი ციკლის შაბათის ადრეულ მატჩებში მოულოდნელი არაფერი მომხდარა. ინგლისი - ბულგარეთის შეხვედრა ზუსტად ისე წარიმართა, როგორც მოსალოდნელი იყო. ბრიტანელები პრაგმატული ხალხია და ნაკრებიც ასეთი ჰყავთ. თამაში არცთუ სანახაობრივი გამოდგა, მაგრამ გასატანი გაიტანეს - ოთხი უპასუხო გოლი და სამი მატჩიდან სამი მოგებით A ჯგუფის ერთპიროვნული ლიდერები არიან.

ჰარი კეინმა ჰეთ-თრიქი მიითვალა. „ჩელსის“ ნახევარმცველ მეისონ მაუნტს კი დებიუტი ჰქონდა.

ინგლისი - ბულგარეთი 4:0

ლონდონი. „უემბლი.“

1:0, 2:0 კეინი (24, 50 პენ), 3:0 სტერლინგი (55), 4:0 კეინი (73 პენ)

ინგლისი: პიკფორდი, ტრიპიერი, კინი, მაგუაირი, როუზი, რაისი, ჰენდერსონი (მაუნტი 66), ბარკლი, სტერლინგი (სანჩო 71), რაშფორდი, კეინი (ოქსლეიდ-ჩემბერლენი 77)

მწვრთნელი: გარეთ საუთგეითი

ბულგარეთი: ილიევი, სტრახილ პოპოვი, ბოდუროვი (დიმიტროვი 65), ბოჟიკოვი, ნედიალკოვი, სამროვი, ივანოვი (მლადენოვი 83), იველინ პოპოვი, მალინოვი, ვანდერსონი, მარსელინიო (დესპოდოვი 67)

მწვრთნელი: კრასიმირ ბალაკოვი

მსაჯი: მარკო გუიდა (იტალია)

გაფრთხილება: კინი (30), როუზი (90+3); ბოდუროვი (36)

კოსოვო - ჩეხეთი 2:1

0:1 შიკი (16), 1:1 მურიჩი (20), 2:1 ვოივოდა (67)

კოსოვო: მურიჩი, ვოივოდა, რაჰმანი, ალიტი, ჰადერგონაი, ვოცა, ჰალიმი (რაშკაი 87), ჟეგროვა (მუსლია 56), ცელინა, რაშანი (ბერიშა 51), მურიჩი

მწვრთნელი: ბერნარდ ჩალანდესი (შვეიცარია)

ისლანდია - მოლდოვა 3:0

1:0 სიგტორსონი (31), 2:0 ბიარნასონი (55), 3:0 მუდრაკი (77 საკ. კარში)

ლიეტუვა - უკრაინა 0:3

0:1 ზინჩენკო (7), 0:2 მარლოსი (27), 0:3 მალინოვსკი (62)