გერმანიის ნაკრების ყოფილი მწვრთნელი, ბერტი ფოგთსი, ჟურნალისტებს ფილიპე კოუტინიოს „ბაიერნში“ გადასვლის თაობაზე ესაუბრა.

„ერთი შეხედვით, კოუტინიოს „ბაიერნში“ ტრანსფერი, ცუდი არ უნდა იყოს ბუნდესლიგისთვის. მაგრამ ერთი კითხვა მაქვს: რატომ ტოვებს 27 წლის ფეხბურთელი ისეთ სუპერკლუბს, როგორიც „ბარსელონაა“ ? ის კატალონიურ კლუბში ლიდერი ვერ გახდა, ეგებ მსოფლიო კლასის ვარსკვლავი არც არის და მომავალ სეზონში „ბარსელონაში“ მხოლოდ სათადარიგო იქნებოდა.“ - ციტირებს ფოგთსის სიტყვებს T-Online.

კოუტინიო „ბაიერნში“ ერთწლიანი იჯარით გადავიდა. გერმანული კლუბი მასში 8,5 მილიონ ევროს გადაიხდის, 120 მილიონად არასავალდებულო გამოსყიდვის უფლებით.