საქართველოს ვეტერან კალათბურთელთა ნაკრები მსოფლიოს ჩემპიონობისთვის ბრძოლას გამოეთიშა. ფინეთის ქალაქ ესპოოში მიმდინარე მუნდიალზე ჩვენმა ნაკრებმა მერვედფინალში დასანანი მარცხი განიცადა. ქართველების მეტოქე ბრაზილია გახლდათ, რომელსაც დასკვნითი პერიოდის წინ საქართველო 54:49 ამარცხებდა, მაგრამ საბოლოოდ გამარჯვება სამხრეთამერიკელებს დარჩათ – 72:70.

საქართველოს ნაკრებს ცოტა დააკლდა მეთხედფინალამდე, სადაც მალხაზ კოხრეიძის გაწვრთნილ ჩვენს ვეტერანებს რუსეთის ნაკრები ელოდა. 32 ქულით საუკეთესო იყო გულივერ ახალკაცი. 8 ქულა მოაგროვა დავით გიორგობიანმა, 7 – ზაზა ცაგარეიშვილმა, ხოლო 6 ქულა ალექსანდრე ფერიაშვილის ანგარიშზე დაგროვდა.

საქართველოს ნაკრები ახლა 9-12 ადგილებისთვის ბრძოლაზე გადაერთვება და მომდევნო მატჩს ურუგვაისთან გამართავს.

ww.gbf.ge