მადრიდის "რეალის" მთავარმა მწვრთნელმა ზინედინ ზიდანმა განაცხადა, რომ უელსის ეროვნული ნაკრების ფეხბურთელი გარეტ ბეილი გუნდის დატოვებასთან ახლოსაა. ფრანგმა სპეციალისტმა აღნიშნა, რომ კლუბი მის ტრანსფერზე მუშაობს და ეს ყველასთვის საუკეთესო გამოსავალია.

"ბეილმა" "ბაიერნთან" არ ითამაშა, რადგან წასვლასთან ახლოსაა. ვიმედოვნებთ რომ იგი მალე წავა, ეს იქნება საუკეთესო გამოსავალი ყველასთვის. კლუბი მის ტრანსფერზე მუშაობს და ახალ გუნდს ეძებს. მისი საწინააღმდეგო არაფერი მაქვს, მაგრამ ზოგჯერ არის სიტუაცია, როდესაც ცვლილებების დროა." - განაცხადა ზიდანმა.

ფრანგმა ასევე აღნიშნა, რომ არ იცის უელსელის ტრანსფერი უახლოეს მომავალში დადასტურდება თუ არა. ბეილი "რეალმა" 2013 წელს იმ დროისთვის სარეკორდო თანხად, 101 მილიონ ევროს სანაცვლოდ დაიმატა. "ბლანკოსის" რიგებში უელსელმა 231 მატჩი ჩაატარა, გაიტანა 102 გოლი და 65 საგოლე გადაცემა შეასრულა.