ქართველმა ჩოგბურთელმა სოფო შაფათავამ ფრანგულ კონტრექსვილში მიმდინარე საერთაშორისო ტურნირზე (საპრიზო ფონდი 100 ათასი დოლარი) საკვალიფიკაციო რაუნდი გაიარა, ძირითად ბადეში კი მარცხი განიცადა.

დღეს, სოფო ასევე კვალიფიკაციის ერთ-ერთ გამარჯვებულს, ფრანგ სარა ჩაკარევიჩს გაეჯიბრა და დრამატულ შეხვედრაში 6:7 (4:7), 6:7 (3:7) წააგო.
წყვილთა ტურნირის მეოთხედფინალში შაფათავასა და ბრიტანელი ემილი ვებლი-სმითის დუეტი მე-3 განთესვით ჩაებმება და რუსულს დუეტს (ლანსერე-რახიმოვა) გაეჯიბრება.
ამავე ეტაპზე, პირველი რეიტინგის მქონე ოქსანა კალაშნიკოვა და ესპანელი ხეორხინა გარსია-პერეზი გერმანელ კოპრაჩსა და ლატვიელ მარცინკევიჩას ეთამაშებიან.