საქართველოს ფუტსალის ლიგის 2018/19 წ.წ. სეზონის გამარჯვებული "თელასი" ქვეყნის სახელს უეფას ფუტსალის ჩემპიონთა ლიგაზე დაიცავს.

ევროტურნირზე "ენერგეტიკოსები“ Georgians-ის სახელით იასპარაზებენ და ბრძოლას წინასწარი რაუნდიდან დაიწყებენ. წილისყრის შედეგად თელასი H ჯგუფში მოხვდა, სადაც მისი მეტოქეები მასპინძელი ბულგარული „ვარნა სიტი“ და ისრაელის ჩემპიონი „მაქაბი“ იქნებიან.

პირველი ეტაპის წარმატებით გადალახვის შემთხვევაში, ავთანდილ ასათიანის შეგირდები ძირითადი რაუნდის მერვე ჯგუფში ითამაშებენ, რომელიც ორად არის გაყოფილი. წინასწარ ეტაპზე H და E ჯგუფის გამარჯვებულებს, შესაბამისად, იტალიის წარმომადგენელი „პეზარო“ და შვედური „უდევალა“ ელიან.

ჩემპიონთა ლიგის წინასწარი რაუნდის მატჩები 27 აგვისტოსა და 1 სექტემბერს გაიმართება.