ზაზა ნადირაძის მსგავსად, მეორე ევროპული თამაშების ფინალში დანარჩენმა ქართველმა ნიჩბოსნებმა ბადრი ყაველაშვილმა და მარიამ ქარდიკაშვილმაც გააღწიეს.

ყაველაშვილმა კაიაკით 200 მეტრზე შეჯიბრის ნახევარფინალში 35.118 წამი დააფიქსირა და თავის ჯგუფში მე-4 შედეგი აჩვენა. შედეგად, ბადრი მცირე ფინალში (B ჯგუფი) გავიდა და მომდევნო გაცურვა ხვალ, 27 ივნისს ელის.

წარმატებას მიაღწია ქერდიკაშვილმაც კანოეთი 200 მეტრზე შეჯიბრში. საკვალიფიკაციო რაუნდის 6 საუკეთესო ნიჩბოსანი ფინალში პირდაპირ გავიდა, რომელთაც ნახევარფინალის 3 საუკეთესო შეუერთდა.

მარიამის მაჩვენებელი 52.392 წამი გახლდათ და მან ნახევარფინალში მე-3 საფეხური დაიკავა. საუკეთესო 9 გოგონა ერთმანეთს 27 ივნისს შეერკინება.