მადრიდის „რეალმა“ მორიგი ტრანფერი ოფიციალურად დაადასტურა და იაპონური „ტოკიოდან“ 18 წლის შემტევი ნახევარმცველი ტაკეფუსა კუბო გაიფორმა.

კონტრაქტის დეტალები და ტრანსფერის ფინანსური მხარე ოფიციალურად არ გახმაურებულა. თუმცა, ცნობილია ის, რომ კუბო მომდევნო სეზონიდან „რეალ კასტილიას“ რიგებში ითამაშებს.

აღსანიშნავია, რომ კუბო 2011-2015 წლებში „ბარსელონას“ აკადემიაში ირიცხებოდა, ახლა კი, კატალონელთა მთავარი მეტოქის ბანაკში გაირჯება. 18 წლის აზიელი მსოფლიოს 50 საუკეთესო ტალანტს შორის შედის.

კუბო ამჟამად იაპონიის ნაკრებშია მიწვეული და კოპა ამერიკაზე სათამაშოდ ემზადება. “ტოკიოს“ რიგებში 2019 წელს 16 მატჩში 5 გოლი გაიტანა.