ესპანეთის ქალაქ პონტევედრაში მიმდინარე ევროპის ახალგაზრდულ ჩემპიონატზე დღეს საქმეში თავისუფალი სტილით მოჭიდავეები ჩაერთვებიან და ათი წონითი კატეგორიიდან ხუთში ფინალისტებს გამოავლენენ.
საქართველოს ნაკრების წევრთაგან ხალიჩაზე გავლენ: გიორგი ნიშნიანიძე (57 კგ.), ამირან ვახტანგაშვილი (65 კგ.), ოთარ ბაგაური (70 კგ.), ბაგრატ გაგნიძე (79 კგ.) და ელგუჯა ბალანჩივაძე (97 კგ.).
საკვალიფიკაციო შეხვედრები თბილისის დროით 13:30 საათიდან დაიწყება, ნახევარფინალები - 19:15 საათიდან.
შეხვედრების პირდაპირ ეთერში ყურებას და შედეგების ნახვას შეძლებთ მსოფლიო ჭიდაობის გაერთიანების ვებგვერდზე:

https://unitedworldwrestling.org/event/european-championships-7?tab=results&fbclid=IwAR2L5kwSTlTlmFVDxz17N8qTkP20ZnlrmUFWJrsxh9kJ6ygsApJfSkcPUgk