ინგლისური „ლივერპულის“ მთავარი მწვრთნელი იურგენ კლოპი მიიჩნევს, რომ მანჩესტერული დერბი მის გუნდზე გავლენას ვერ მოახდენს. გერმანელის აზრით, „ლივერპული“ მხოლოდ საკუთარ თამაშზე უნდა იყოს კონცენტრირებული.

„მანჩესტერ დერბის არ შეუძლია ჩვენზე გავლენა მოახდინოს. დერბი არის ჩვეულებრივი მატჩი, რომელიც „სიტიმ“ უნდა ითამაშოს. ჩვენ ვითამაშეთ „იუნაიტედთან“ 0:0, მაგრამ მაშინ გაცილებით უკეთეს ფორმაში იყო. ასე, რომ კარგი იქნება დერბი თუ ფრედ დასრულდება.

თუ „იუნაიტედი“ „სიტის“ ქულა წაართმევს და ჩვენ „ჰადერსფილდს“ მოვუგებთ, კარგი იქნება. შემდეგ წავალთ ბარსელონაში. ჩვენ მხოლოდ ჩვენს საქმეზე კონცენტრაცია გვჭირდება. შესანიშნავი სამუშაო შევასრულეთ და ცვლილებების მიზეზს ვერ ვხედავ“, - თქვა კლოპმა.

შეგახსენებთ, მანჩესტერული დერბი „ოლდ ტრაფორდზე“ 24 აპრილს გაიმართება. ამ დროისთვის პრემიერლიგის სათავეში ძალიან დაძაბული ვითარებაა - ლიდერი „ლივერპულია“ 88 ქულით, ხოლო „სიტის“ ორით ნაკლები აქვს, მაგრამ ერთი თამაშიც მარაგში გააჩნია.