ფეხბურთის მეფედ წოდებულს ბრაზილიელ პელეს სან პაულოში ოპერაცია ჩაუტარდა. როგორც Globo Esporte იუწყება, 78 წლის სამხრეთამერიკელი სან პაულოს საავადმყოფოში დააწვინეს და თირკმელიდან კენჭი ამოუღეს. ამჟამად პელეს მდგომარეობა სტაბილურია და თავს კარგად გრძნობს.

პელეს ჯანმრთელობის პრობლემა გასულ კვირას საფრანგეთში ვიზიტის დროს დაეწყო. ბრაზილიელმა "პარი სენ ჟერმენის" თავდამსხმელი კილიან მბაპე მოინახულა, 2 აპრილს კი მსოფლიოს სამგზის ჩემპიონი პარიზის საავადმყოფოში დააწვინეს.