12 წელი, 161 თამაში და 125 გოლი. ალბათ, ადვილი გამოსაცნობია, რომ ჩემპიონთა ლიგაზე კრიშტიანუ რონალდუს შედეგიანობაზე ვსაუბრობთ.

პორტუგალიელმა ვარსკვლავმა ამსტერდამში, „აიაქსთან“ ევროპის ყველაზე პრესტიჟულ ტურნირში თავისი 125-ე გოლი გაიტანა. საინტერესოა, რომ კრიშტიანუმ ჩემპიონთა ლიგაზე (მონაცემებში არ შედის საკვალიფიკაციო ეტაპი) პირველი გოლი ზუსტად 12 წლის წინ, 2007 წლის 10 აპრილს, იტალიური „რომას“ კარში გაიტანა.

125-ე გოლი კი 2019 წლის 10 აპრილს, „აიაქსის“ წინააღმდეგ მიითვალა. სხვათა შორის, კრიშტიანუმ უშუალოდ მეოთხედფინალურ სტადიაზე 21-ე თამაში ჩაატარა და 24-ე გოლი გაიტანა - ეს რეკორდია.

და კიდევ, "იუვენტუსის" თავდამსხმელმა „აიაქსი“ მერვედ დაამწუხრა და აქედან 6 „იოჰან კრუიფ არენაზე“ აქვს მითვლილი. ამ სტადიონზე ჩემპიონთა ლიგაზე ამაზე მეტი გოლი არავის გაუტანია. მხოლოდ ზლატან იბრაჰიმოვიჩი იწონებს ამავე შედეგით თავს (6 გოლი).

მოკლედ, კიდევ ერთხელ, კრიშტიანუ რონალდუს შედეგები უბრალოდ შთამბეჭდავია.