ათენის “პანათინაიკოსის” სახელოვანი ამერიკელი თავკაცი რიკ პიტინო გოგა ბითაძის თამაშს გამოეხმაურა. შეგახსენებთ, რომ ჩვენებურის “ბუდუჩნოსტი” ბერძნულ გრანდს გუშინ დაუპირისპირდა, გოგა კი სტუმართა რიგებში საუკეთესო იყო: მან მოედანზე 23:15 წუთი გაატარა და პოდგორიცელებს 16 ქულა, 8 მოხსნა, 2 პასი და 2 ჩაჭრა შესძინა.

“დღეს ჩვენ ვითამაშეთ 20 წლის ცენტრის წინააღმდეგ, რომელიც მომავალი დრაფტის პირველ რაუნდში უნდა აირჩიონ. 6/11 ფუტის სიმაღლის გოგა ბითაძე კარგად ესვრის სამქულიანს, მოძრავი და მობილურია. მისი პოტენციალი ძალიან მომწონს”, - აღნიშნა 66 წლის პიტინომ, რომელიც აშშ-ს კოლეჯების ლიგაში ერთ-ერთ საუკეთესო სპეციალისტად არის აღიარებული და ტალანტების შეფასება ნამდვილად არ ეშლება.
ამერიკელ მწვრთნელს კენტუკისა და ლუისვილის უნივერსიტეტების გუნდებში 25 წელზე მეტი აქვს გატარებული და 2-ჯერ (1996, 2013) –ს ჩემპიონის ტიტულიც აქვს დასაკუთრებული. რიკმა “პანათინაიკოსი”, რომელიც მისთვის პირველი ევროპული გუნდია, წლეულს ჩაიბარა და ათენელთა ევროლიფის პლეი ოფშიც გაყვანაც შესძლო, სადაც მეტოქედ მადრიდის “რეალი” ეყოლება.