ინგლისის ნაკრებმა ევროპის 2020 წლის ჩემპიონატის შესარჩევი ეტაპი წარმატებულად დაიწყო და ჩეხეთი პირველივე შეხვედრაში 5:0 გაანადგურა. მატჩის გმირი რაჰიმ სტერლინგი იყო, რომელმაც სამი გოლი გაიტანა.
აღსანიშნავია, რომ სტერლინგი ბოლო 9 წლის განმავლობაში პირველი ფეხბურთელი გამოდგა, რომელმაც ინგლისის ნაკრების მაისურით „უემბლიზე“ ჰეთ-თრიქი შეასრულა.
ბოლოს მსგავსი ფაქტი 2010 წლის 3 სექტემბერს მოხდა, როდესაც ინგლისმა ბულგარეთი 4:0 დაამარცხა, ხოლო სამი გოლი ჯერმეინ დეფომ ჩაიწერა საკუთარ აქტივში.
