მაკედონიის დედაქალაქ სკოპიეში მიმდინარე ევროპის ინდივიდუალურ ჩემპიონატზე 4 ტური მიილია. 3.5 ქულით 19 მოჭადრაკე ლიდერობს, რომელთა შორის საქართველოს ნაკრების 2 წევრიცაა: ივან ჩეპარინოვი (2683) და ლევან ფანცულაია (2611).

გასულ ტურში ჩეპარინოვი თეთრი ფიგურებით რუს მაკსიმ ჩიგაევს (2613) დაუზავდა, ფანცულაიამ კი თანაგუნდელი გიგა ყუფარაძე (2501) დაამარცხა. დამატებითი მაჩვენებლებით, ივანი მე-3 ადგილზეა, ხოლო ლევანი – მეცხრამეტეზე.
ევროპირველობაზე მოთამაშე დანარჩენი ქართველი მოჭადრაკეების შედეგები ასე გამოიყურება: 29. დავიდ არუთინიანი (2555) – 3.0; 51. ბაადურ ჯობავა (2622) – 3.0; 71. ლუკა პაიჭაძე (2576) – 3.0; 124. გიგა ყუფარაძე (2501) – 2.5; 171. ნიკოლოზ კაჭარავა (2424) – 2.0; 176. ლუკა ობოლაძე (2340) – 2.0; 178. ნოე თუთისანი (2467) – 2.0; 180. ნიკოლოზ პეტრიაშვილი (2465) – 2.0;
ტურნირის მე-5 ტურის პარტიები დღეს ჩატარდება. ჩეპარინოვი შავი ფიგურებით უნგრელ ვიკტორ ერდოშს (2612) ეთამაშება, ფანცულაია კი შავებითვე უნგრეთის კიდევ ერთ წარმომადგენელ ფერენც ბერკეშს (2666) დაუპირისპირდება.