25-26 სექტემბერს, ფეხბურთში საქართველოს დავით ყიფიანის სახელობის თასის 24-ე გათამაშების 1/8-ფინალის პირველი მატჩები ჩატარდება.

25 სექტემბერს 7 წყვილი ითამაშებს, ხოლო “შუქურა” –“ვიტ ჯორჯიას” შეხვედრა 26 სექტემბერს გაიმართება. ყველა დაპირისპირება 16 საათზე დაიწყება, გარდა “ტორპედო”- “სპარტაკისა”, რომელიც სტარტს 17 საათზე აიღებს.

თასის 1/8-ფინალურ სტადიაზე ჩაერთნენ თბილისის “დინამო”, გორის “დილა”, საჩხერის “ჩიხურა” და ქუთაისის “ტორპედო”, რომლებიც ევროთასზებზე თამაშობდნენ და ამიტომ, 1/16-ფინალურ ეტაპზე არ მონაწილეობდნენ.

აქვე გეტყვით, რომ თბილისის “ლოკომოტივი”, რომელიც პირველ ლიგაში საშინაო მატჩებს საგურამოში ატარებს, გასული სეზონის თასის ფინალისტ საჩხერის “ჩიხურას” მცხეთაში უმასპინძლებს; ლანჩხუთის “გურია” მარტვილის “მერანს” სამტრედიაში მიიღებს, ხოლო ხობის “კოლხეთი”, თასის მოქმედ მფლობელ თბილისის “დინამოს” ფოთში დაუხვდება.

“ტორპედო” (ქუთაისი) – “სპარტაკი” (ცხინვალი)

25 სექტემებრი. 17:00. ქუთაისი. ცენტრალური სტადიონი.

მსაჯები: გ.ყრუაშვილი. ლ.თოდრია, ა.კოკაია, მეოთხე მსაჯი: ხ.გაგნიძე.

“ლოკომოტივი” (თბილისი) – “ჩიხურა” (საჩხერე)

25 სექტემბერი. 16:00. მცხეთა. “მცხეთა პარკი”.

მსაჯები: შ.ქუხილავა, ი.უკლება, დ.გაბისონია, მეოთხე მსაჯი: ლ.სილაგავა.

“კოლხეთი” (ხობი) – “დინამო” (თბილისი).

25 სექტემბერი. 16:00. ფოთი. სტადიონი “ფაზისი”.

მსაჯები: თ.გვანცელაძე, ზ.ფიფია, დ.კვეტენაძე, მეოთხე მსაჯი: გ.დოგრაშვილი.

“მეტალურგი” (რუსთავი) – “კოლხეთი” (ფოთი)

25 სექტემბერი. 16:00. რუსთავი. სტადიონი “ფოლადი”.

მსაჯები: გ.ვადაჭკორია, დ.ჩიგოგიძე, გ.ელიკაშვილი, მეოთხე მსაჯი: ა.ბასლეჰლო.

“სიონი” (ბოლნისი) – “ზესტაფონი”

25 სექტემბერი. 16:00. თბილისი. მიხეილ მესხის სახელობის სტადიონი.

მსაჯები: დ.ხარიტონაშვილი, ზ.მენთეშაშვილი, ს.სპიცინი, მეოთხე მსაჯი: ა.კრიჭაშვილი.

“დილა” (გორი) – “დინამო” (ბათუმი)

25 სექტემბერი. 16:00. გორი. თენგიზ ბურჯანაძის სახელობის სტადიონი.

მსაჯები: გ.კიკაჩეიშვილი, ზ.ბერულავა, ი.კაკაბაძე, მეოთხე მსაჯი: ჯ.ხორავა.

“გურია” (ლანჩხუთი) – “მერანი” (მარტვილი)

25 სექტემბერი. 16:00. სამტრედია. ეროსი მანჯგალაძის სახელობის სტადიონი.

მსაჯები: ბ.ნინუა, გ.ჩიგოგიძე, დ.კურტანიძე, მეოთხე მსაჯი: ო.ხეცაძე.

“შუქურა” (ქობულეთი) – “ვიტ ჯორჯია” (თბილისი)

26 სექტემბერი. 16:00. ქობულეთი. “ჩელე არენა”.

მსაჯები: ლ.კვარაცხელია, ბ.ჭიჭინაძე, ზვ.ერქვანია, მეოთხე მსაჯი: მ.ბეუქლიშვილი.

საქართველოს თასის 1/8-ფინალის საპასუხო მატჩები 30-31 სექტემბერს შედგება.