არგენტინის ეროვნული ნაკრების შემტევმა ლიონელ მესიმ შესაძლოა კატალონიის "ბარსელონასთან" კონტრაქტი ორი წლით გაახანგრძლივოს და გუნდში 2023 წლამდე დარჩეს. როგორც Mundo Deportivo იუწყება, ესპანური გრანდის ხელმძღვანელობა ახალ კონტრაქტზე მუშაობს და ხელშეკრულებას სამხრეთამერიკელის მამას სეზონის ბოლოს გააცნობენ.

მესი "ბარსელონას" აკადემიაში 2000 წელს ჩაირიცხა და მას შემდეგ ამ კლუბის ღირსებას იცავს. მიმდინარე სეზონში ფეხბურთელმა საკლუბო დონეზე 34 მატჩი ჩაატარა, გაიტანა 33 გოლი და 18 საგოლე გადაცემა შეასრულა. აქრგენტინელის სატრანსფერო ღირებულება 160 მილიონი ევროა.